ការងារស្ម័គ្រចិត្ត
ការងារស្ម័គ្រចិត្ត
<

#BeyondTheGames

#BeyondTheGames ឬ លើសពីការប្រកួត គឺជាយុទ្ធនាការផ្សព្វផ្សាយព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២​​​​ ដែលប្រទេសកម្ពុជានឹងក្លាយជាម្ចាស់ផ្ទះទទួលរៀបចំការប្រកួតជាលើកដំបូងក្នុងប្រវត្តិសាស្ត្រ។​ ក្នុងឱកាសព្រឹត្តិការណ៍ប្រវត្តិសាស្រ្តនេះ យុទ្ធនាការ #BeyondTheGames នឹងចូលរួមលើកកម្ពស់មោទកភាពជាតិ ដោយផ្សារភ្ជាប់ព្រឹត្តិការណ៍កីឡាទៅនឹងភាពជាម្ចាស់ផ្ទះរបស់កម្ពុជា និងរំលេចនូវភាពស្រស់ស្អាត វប្បធម៌ដ៏ល្អផូរផង់ និងកេរដំណែលដ៏អស្ចារ្យរបស់កម្ពុជាទៅកាន់ពិភពលោក​។

ក្រោមកិច្ចសហការរវាងគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ (CAMSOC) និងសហភាពសហព័ន្ធយុវជនកម្ពុជា (ស.ស.យ.ក) យុទ្ធនាការ #BeyondTheGames បានជ្រើសរើសយកពាក្យស្លោក “បេះដូងលោតក្នុងចង្វាក់តែមួយ” ជាមូលបទនៃយុទ្ធនាការ។ បេះដូងគឺតំណាងឱ្យ
សេចក្តីស្រលាញ់ ត្បិតតែយើងផ្តល់និយមន័យនៃភាសាបេះដូងដែលមានលក្ខណៈផ្សេងៗពីគ្នា ប៉ុន្តែយើងគ្រប់គ្នាគឺមានសេចក្តីស្រលាញ់រួមមួយ គឺក្តីស្រលាញ់ចំពោះជាតិមាតុភូមិរបស់យើង។​ ហេតុនេះហើយទើបមូលបទនៃយុទ្ធនាការ​​ #BeyondTheGames គឺបេះដូងលោតក្នុងចង្វាក់តែមួយ ព្រោះយើងជាខ្មែរតែមួយ បេះដូងយើងលោតក្នុងចង្វាក់តែមួយជូនជាតិកម្ពុជា។​​

វិចិត្រសាល

កាលបរិច្ឆេទ

ព័ត៍មាន

មើលទាំងអស់
ព័ត៍មាន |
ពិធីចុះកិច្ចព្រមព្រៀងលើភាពជាដៃគូគាំទ្រដោយមោទកៈរវាងយុទ្ធនាការ #BeyondTheGames និងក្រុមហ៊ុនសប្បាយ ឌីជីថល ផ្លាស

នៅថ្ងៃទី១៥ ខែមីនា ឆ្នាំ២០២៣ វេលាម៉ោង ២រសៀល យុទ្ធនាការ #BeyondTheGames និងក្រុមហ៊ុនសប្បាយ ឌីជីថល ផ្លាស បានចុះហត្ថលេខាលើកិច្ចព្រមព្រៀង ក្នុងភាពជាដៃគូគាំទ្រដោយមោទកៈ នៅអគារ The Kampus។

ពិធីចុះកិច្ចព្រមព្រៀងនេះត្រូវបានធ្វើឡើងក្រោមវត្តមានរបស់ឯកឧត្តម សុខ សប្បាយណា ប្រធានប្រតិបត្តិនៃយុទ្ធនាការ #BeyondTheGames និងលោក ជី សិលា នាយកប្រតិបត្តិនៃក្រុមហ៊ុនសប្បាយ ឌីជីថល ផ្លាស ក្រោមកិច្ចសហការផ្សព្វផ្សាយ ផលិត និងចេញផ្សាយមាតិកាសំខាន់ៗ ដើម្បីបញ្រ្ជាបព័ត៌មានទៅកាន់សាធារណជនឱ្យកាន់តែទូលំទូលាយ និងពង្រីកវិសាលភាពរបស់កម្ពុជា ក្នុងឱកាសដែលកម្ពុជាធ្វើជាម្ចាស់ផ្ទះនៃព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។

    

#BeyondTheGames #បេះដូងលោតក្នុងចង្វាក់តែមួយ #HeartsBeatinSync
ព័ត៍មាន |
សេចក្ដីប្រកាសព័ត៌មានស្ដីពីការបំបែកឯតទគ្គកម្ម «បេះដូងច្រើនជាងគេលើពិភពលោក»

សន្និសីទសារព័ត៌មានស្ដីពី «បេះដូងច្រើនជាងគេលើពិភពលោក» ដែលបានប្រព្រឹត្តទៅនាថ្ងៃទី០៧ ខែមីនា ឆ្នាំ២០២៣ នៅមជ្ឈមណ្ឌលម៉ានី (អគារ The Kampus)។

សន្និសីទសារព័ត៌មាននេះប្រព្រឹត្តទៅក្នុងបំណងដើម្បីជម្រាបជូនដំណឹងដល់សាធារណជន ដើម្បីជ្រាបជាព័ត៌មានអំពីការបំបែកឯតទគ្គកម្ម «បេះដូងច្រើនជាងគេលើពិភពលោក» ដោយផ្ដោតលើការចូលរួមគាំទ្រ និងសាទរក្នុងឱកាសដែលកម្ពុជាធ្វើជាម្ចាស់ផ្ទះជាលើកដំបូងសម្រាប់ព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣។

ព័ត៍មានបន្ថែមខាងក្រោម៖
ព័ត៍មាន |
ទិដ្ឋភាពស្ដង់យុទ្ធនាការ #BeyondTheGames ក្នុងកម្មវិធី V-Active Fun Run
ទស្សនាទិដ្ឋភាពស្ដង់យុទ្ធនាការ #BeyondTheGames និងសកម្មភាពរត់បណ្ដាក់គ្នាក្នុងកម្មវិធី V-Active Fun Run នាថ្ងៃទី២៨ និងព្រឹកថ្ងៃទី២៩ ខែមករា ឆ្នាំ២០២៣ នៅឆ្នេរទីលានតេជោ (កន្ទុយនាគ) ក្រុងព្រះសីហនុ។
លើសពីការប្រកួត ការឈ្នះចាញ់មិនមែនជាអ្វីៗទាំងអសើនោះទេ។

ថ្វីត្បិតតែការយកជ័យលាភីគឺសំខាន់ក្នុងការប្រកួត ក៏ប៉ុន្ដែការខិតខំប្រឹងប្រែង និងមិនបោះបង់ចោលទោះមានការនឿយហត់ ឬការលំបាកយ៉ាងណាក៏ដោយ រិតតែមានសារៈសំខាន់ និងអាចធ្វើឲ្យបទពិសោធន៍នៃការប្រកួតកាន់តែមានន័យសម្រាប់អ្នកចូលរួមប្រកួត។

លើសពីការប្រកួត ការឈ្នះចាញ់មិនមែនជាអ្វីៗទាំងអសើនោះទេ
ព័ត៍មាន |
ក្លិបបាល់ទាត់គិរីវង់សុខសែនជ័យចូលរួមសាទរភាពជាម្ចាស់របស់កម្ពុជាជាមួយនឹងយុទ្ធនាការ #BeyondTheGames

អរគុណក្លិបបាល់ទាត់គិរីវង់សុខសែនជ័យ ដែលបានចូលរួមសាទរភាពជាម្ចាស់របស់កម្ពុជា ជាមួយនឹងយុទ្ធនាការ #BeyondTheGames។

គិរីវង់សុខសែនជ័យ Kirivong Sok Sen Chey F.C. ” ក្នុងនាមក្លិបបាល់ទាត់គិរីវង់សុខសែនជ័យ សូមចូលរួមគាំទ្រយុទ្ធនាការ​ #BeyondTheGames យ៉ាងពេញទំហឹង​ ដេីម្បីចូលរួមចំណែកផ្សព្វផ្សាយអំពីកម្ពុជា​ និងអបអរសាទរការធ្វើជាម្ចាស់ផ្ទះក្នុងការរៀបចំព្រឹត្តិការណ៍កីឡាស៉ីហ្គេម​ និងអាស៊ានប៉ារ៉ាហ្គេមឆ្នាំ២០២៣​ និងរួមគ្នាបង្ហាញពីមោទនភាព ឯកភាព ភាពសុខដុមរមនា សន្តិភាព ភាពសម្បូរបែបនៃអរិយធម៌ វប្បធម៌​ និងសក្តានុពលរបស់ប្រទេសកម្ពុជាទៅកាន់ពិភពលោកផងដែរ។ ”

#BeyondTheGames #បេះដូងលោតក្នុងចង្វាក់តែមួយ #HeartsBeatinSync
ព័ត៍មាន |
ភាសាបេះដូងវិទ្យាល័យព្រែកឯង​
ព័ត៍មាន |
នេះហើយជា «ភាសាបេះដូង» របស់យើង នេះហើយជា «ភាសាបេះដូង» របស់កម្ពុជា

សារពីអត្តពលិក

មើលទាំងអស់